Իտալիայում դեռահասը դատի է տվել պատվաստանյութի կիրառությանը դեմ իր ծնողներին

Ֆլորենցիայից մի դեռահաս հայտնել է ոստիկանությանը, որ իր ծնողներն արգելել են իրեն պատվաստվել կորոնավիրուսի դեմ, հայտնում են Տոսկանայի ընտանեկան փաստաբանների ասոցիացիայից: Դպրոցականն ասել է, որ ծնողները պատվաստումներ ստանալու համար իրեն գրավոր թույլտվություն չեն տալիս: «Որպես 17-ամյա պատանի՝ նա չի կարող ուղղակիորեն պատվաստումներ ստանալ՝ առանց ծնողների կողմից տրվող փաստաթղթի», - լրագրողին ասել է ասոցիացիայի խոսնակ Ջանի Բալդինին: Ինչպես հայտնում են տեղական լրատվամիջոցները, նրա ծնողները պատվաստանյութերն վնասակար են համարում՝ դրանք «նողկալի» անվանելով: «Քանի դեռ դիմումը չի հասել դատարան, ես կփորձեմ խոսել ծնողների հետ, որպեսզի նրանք փոխեն իրենց միտքը։ Հակառակ դեպքում՝ գործը կփոխանցվի անչափահասների դատարան»,֊ասել է փաստաբանը։