Բայդենը հատուկ բանագնաց է կարգել ԼԳԲՏ համայնքի անձանց իրավունքների պաշտպանության համար

ԱՄՆ նախագահ Ջո Բայդենը Սպիտակ տանը իր ելույթից առաջ հայտարարել է, որ ինքը Ջեսիկա Ստերնին նշանակելու է Պետդեպարտամենտում՝ որպես ԱՄՆ հատուկ բանագնաց ԼԳԲՏ համայնքի անձանց մարդու իրավունքների պաշտպանության հարցերով: «ԱՄՆ դիվանագիտությունը և օտարերկրյա օգնությունը խթանում և պաշտպանում են ԼԳԲՏ համայնքի անձանց մարդու իրավունքները ամբողջ աշխարհում: Հատուկ բանագնացը կարևոր դեր է ունենալու ամբողջ աշխարհում նրանց իրավունքները խթանելու վերաբերյալ։ Այդ անձանց իրավունքները ավելի ու ավելի են վտանգվում աշխարհի բոլոր տարածաշրջաններում։ Հատուկ բանագնացը կհամախմբի համախոհ կառավարություններին, քաղաքացիական հասարակության կազմակերպություններին, կորպորացիաներին և միջազգային կազմակերպություններին՝ բոլորի համար արժանապատվությունն ու հավասարությունը պահպանելու համար»,֊ասվում է Սպիտակ տան կայքում։