Մենք մեկ ամբողջություն ենք․ Պուտինը՝ Ուկրաինայի և Ռուսաստանի փոխհարաբերությունների մասին

Ռուսաստանի նախագահ Վլադիմիր Պուտինը ասել  է, որ ուկրաինացի ժողովրդին չի համարում «անբարյացակամ»: Այդ պատճառով երկիրը ներառված չէ համապատասխան ցուցակում, որը նախապես պատրաստել էր Կառավարությունը: «Ես չեմ կարծում, որ ուկրաինացի ժողովուրդը անբարյացակամ է, ոչ, մենք մեկ ամբողջություն ենք: Իսկ ահա Ուկրաինայի այսօրվա ղեկավարությունը ակնհայտորեն անբարյացակամ է մեզ համար: Սա միանգամայն ակնհայտ բան է»,֊ասել է Պուտինը։ Բացի այդ՝ նախագահն անտեղի է համարում հանդիպել և քննարկել խնդիրները Վլադիմիր Զելենսկու հետ, ով, ըստ Պուտինի, երկիրը «դրել է արտաքին լիակատար վերահսկողության տակ»:

Մինչ այժմ Ռուսաստանի հանդեպ անբարյացակամ երկրների ցուցակում կա երկու երկիր՝ Միացյալ Նահանգները և Չեխիան: Մոսկվան բարդ դիվանագիտական ​​հարաբերություններ ունի նրանց հետ: Մասնավորապես, Պրահան Ռուսաստանի հատուկ ծառայություններին մեղադրում է 2014-ին Վրբետիցայում զինամթերքի պահեստում տեղի ունեցած պայթյուններին մասնակցության մեջ: