Կանադայում պատմական անոմալ բարձր՝ 49 աստիճան ցելսիուս ջերմաստիճան է գրանցվել

Վերջին 48 ժամվա ընթացքում անոմալ շոգի պատճառով՝ Կանադայի Բրիտանական Կոլումբիա նահանգի տարբեր քաղաքներում զոհվել է ավելի քան 100 մարդ: Այս մասին հայտարարել է CBC հեռուստաալիքը՝ տեղական ոստիկանությանը հղումով։ Վերջին երկու օրվա ընթացքում Վանկուվեր, Բարնաբի և Սուրեյ քաղաքներում ոստիկանությունը ստացել է ավելի քան 100 հաղորդում քաղաքացիների հանկարծամահության մասին: Ենթադրաբար, այդ մարդկանց մահը կապված է օդի անոմալ բարձր ջերմաստիճանի հետ: Մահացածներից շատերը թոշակառուներ են: Օդի ջերմաստիճանը հասել է իր առավելագույն պատմական արժեքին՝ 47,9 աստիճան ցելսիուսի, իսկ երեքշաբթի օրը այս ռեկորդը թարմացվել է՝ 49 աստիճան ցելսիուս: