Լուկաշենկոն հանձնարարել է ամբողջությամբ փակել Ուկրաինայի հետ սահմանը

Բելառուսի նախագահ Ալեքսանդր Լուկաշենկոն սահմանային զորքերին հանձնարարել է ամբողջությամբ փակել Ուկրաինայի հետ սահմանը, հայտնում է Sputnik Բելառուս լրատվական գործակալությունը:
Երկրի ղեկավարը այս մասին հայտարարել է Անկախության օրվա առթիվ կայացած հանդիսավոր հանդիպման ժամանակ, որը Բելառուսում նշվում է հուլիսի 3-ին: Լուկաշենկոն բացատրել է, որ Ուկրաինայից «հսկայական քանակությամբ զենք» է գալիս, և այսուհետ միայն խաղաղ բնակիչները կկարողանան մուտք գործել երկիր: «Մենք մնացած բոլորին գերի չենք վերցնի», - հավելել է նա:
Ավելի վաղ Բելառուսի նախագահը հայտարարել էր, որ բացահայտված ահաբեկչական խմբավորումը՝ գործարար Միքալայ Աուտուխովիչի գլխավորությամբ, «տոննաներով» զենք է տեղափոխել Ուկրաինայի տարածքով: Կիևը պատասխանել է, որ «Ուկրաինայից զենքի» մասին հայտարարությունը ակնհայտորեն տեղավորվում է Բելառուս ժողովրդին վախեցնելու Լուկաշենկոյի քաղաքականության մեջ»: Բացի այդ՝ Բելառուսի նախագահը ուրբաթ օրը կայացած հանդիսավոր նիստում ասել է, որ Ուկրաինան, Գերմանիան, ԱՄՆ-ը, Լեհաստանը և Լիտվան կապված են հանրապետությունում «քնած» ահաբեկչական բջիջների հետ:
«Այս բջիջների նպատակը X օրվա ընթացքում իշխանության բռնի փոփոխությունն է: Նրանք իրենք դեռ չգիտեն, թե դա ինչ X օր է։ Մեր ժողովրդին պետք է պատրաստել դրան», - ավելացրել է Լուկաշենկոն: