Ուկրաինայում Pfizer պատվաստանյութով պատվաստվելուց հետո տղամարդ է մահացել

Ուկրաինայի Վիննիցա շրջանում 47-ամյա տղամարդ է մահացել կորոնավիրուսի դեմ Pfizer-ով պատվաստվելուց մի քանի ժամ անց, հայտնել է երկրի առողջապահության նախարարության մամուլի ծառայությունը:
«Հուլիսի 2-ին՝ ժամը 18։02-ին, արձանագրվել է 47-ամյա տղամարդու մահ: COVID-19- ի դեմ պատվաստումը կատարվել է 13։45-ին: 17։00-ին հիվանդը բողոքել է սրտխառնոցից, կորցրել է գիտակցությունը։ Ցավոք, 18։02-ին բժիշկները հայտնել են տղամարդու մահվան մասին», - ասված է հաղորդագրության մեջ: Նշվում է, որ պատվաստումից հետո առաջին ժամվա ընթացքում դեղի նկատմամբ ոչ մի անբարենպաստ ռեակցիա չի գրանցվել: «Ըստ Վիննիցայի շրջանի առողջապահության վարչության՝ տղամարդը պատվաստվել է COVID-19- ի դեմ Comirnaty / Pfizer-BioNTech պատվաստանյութով: Հինգ այլ անձանց վիճակը, ովքեր պատվաստվել են մահացածի հետ նույն սրվակից, բավարար է», - հավելել է Առողջապահության նախարարությունը։ Նշվում է, որ նախարարությունը պարզում է դեպքի հանգամանքները: