Ճապոնիայում սողանքի հետևանքով զոհերի թիվը հասել է 4-ի

Ճապոնական Աթամի քաղաքում սողանքի հետևանքով զոհերի թիվը հասել է 4-ի, հայտնում է Asahi TV- ի տեղական մասնաճյուղը՝ վկայակոչելով տեղական իշխանություններին: Ավելի վաղ հաղորդվում էր երեք մարդու մահվան մասին: Վերջինը հայտնաբերվել էր սողանքի վայրում՝ փլատակների տակ՝ սրտի և թոքային կանգով։ Տոկիոյից հարավ-արևմուտք գտնվող Շիզուոկա պրեֆեկտուրայի Աթամի քաղաքում շաբաթ օրը՝ առավոտյան ժամը 10-ի սահմաններում, հզոր սողանք է տեղ ունեցել: Աղետի գոտում որոնողափրկարարական աշխատանքներ են տարվում, ինչի արդյուքնում՝ հաջողվել է փրկել 23 մարդու: Սողանքը քանդել է շուրջ 130 տուն: Փաստաթղթերի համաձայն՝ այդ տարածքում 215 մարդ էր բնակվում։ Մինչ այժմ նրանց կեսից ավելին գտնվել է։ Իշխանությունները փորձում են պարզել 80 մարդու գտնվելու վայրը: