Հայիթիի նախագահի սպանության համար ձերբակալված ամերիկացիները հայտնել են՝ ինչու են սպանել նրան

Հայիթիի նախագահ Ժովենել Մոիզի նստավայրի վրա հարձակվողները նպատակ չեն ունեցել սպանելու նրան, հարցաքննության ժամանակ ասել են երկու ամերիկացիներ, ովքեր մասնակցել էին հարձակմանը, և ոստիկանությունը բերման էր ենթարկել նրանց: Այս մասին հայտարարել է Հաիթիի դատավոր Կլեմենտ Նոելը, որի հայտարարությունները  օրը մեջբերում է Nouvelliste թերթը։ «Նրանք ասացին, որ թարգմանիչներ են: Մոիզի նստավայրում ակցիայի նպատակը նախագահ Ժովենել Մոիզին ձերբակալելն էր՝ հետաքննող դատավորի որոշումը կատարելու շրջանակներում, և ոչ թե նրան սպանելը», - ասել է Նոելը՝ վկայակոչելով ամերիկացիների Ջեյմս Սոլաժի և Ժոզեֆ Վինսենթին։ Նա չի բացատրել, թե հարձակման մասնակիցները ինչ «պատվեր» են ունեցել: Հարցման ընթացքում ձերբակալվածներին հարցրել են, թե ով է Հայիթիի նախագահի նստավայրում գործողության անմիջական պատասխանատուն: Սոլաժը պատասխանել է, որ ինքը «գտել է այս աշխատանքը համացանցում»: Նրա խոսքով՝ ակցիան իրականացնող վարձկանները «մոտ երեք ամիս գտնվել են Հայիթիում»: Ավելի վաղ Հաիթիի ազգային ոստիկանությունը հայտնել էր, որ Մոիզի վրա հարձակմանը մասնակցած հանցագործ խմբում ընդգրկված է առնվազն 28 մարդ: Ձերբակալության ընթացքում՝ հարձակվողներից յոթը վերացվել են, 15-ը՝ հայտնաբերվել, խմբի ևս մի քանի անդամ հետախուզվում է: