ԱՄՆ-ն և Գերմանիան «Վաշինգտոնի հռչակագիր» են ստորագրել
Համաշխարհային Մամուլ
Միացյալ Նահանգներն ու Գերմանիան ստորագրել են «Վաշինգտոնի հռչակագիր» ընդհանուր սկզբունքների վերաբերյալ։ Հռչակագրի տեքստը շրջանառվել է Սպիտակ տան կողմից ԱՄՆ նախագահ Ջո Բայդենի և Գերմանիայի կանցլեր Անգելա Մերկելի բանակցություններից հետո։
«Մեր հարաբերությունների հիմքը ժողովրդավարական սկզբունքների, արժեքների և ինստիտուտների ընդհանուր հավատարմությունն է», - ասվում է հռչակագրում:
Վաշինգտոնը և Բեռլինը պարտավորվում են պաշտպանել «բաց աշխարհը»: «Ամբողջ աշխարհում բոլոր ժողովուրդները, իրենց քաղաքական կառուցվածքը որոշելիս, պետք է զերծ լինեն արտաքին միջամտություններից, հարկադրանքներից կամ արտաքին պետությունների գերակայությունից», - հռչակագրում հայտնում են ԱՄՆ-ն և Գերմանիան:
Նրանք նաև խոստանում են պայքարել «ամբողջական, ազատ և խաղաղ Եվրոպայի» համար, աջակցել ՆԱՏՕ-ին և զարգացնել գոյություն ունեցող դաշինքներն ու գործընկերությունները: Հռչակագիրը նաև խոսում է նոր տեխնոլոգիաների վերաբերյալ «կանոններին, նորմերին և ստանդարտներին» աջակցելու մասին, որոնք, ըստ Բեռլինի և Վաշինգտոնի, պետք է աջակցեն «ազատությանը, ոչ թե բռնաճնշումներին»: Բացի այդ՝ երկրները հայտարարել են կլիմայական և էներգետիկ գործընկերության մեկնարկի մասին, որն ուղղված է ջերմոցային գազերի արտանետումների հետագա կրճատմանը:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
