Աֆղանստանի հետ սահմանի մոտ զորավարժություններին շուրջ 1500 զինծառայող կմասնակցի

Ռուսաստանից և Ուզբեկստանից ժամանած շուրջ 1500 զինծառայող կմասնակցի Աֆղանստանի հետ սահմանի մոտ համատեղ զորավարժություններին, հայտնում է Ռիա Նովոստին։

Միջոցառումը տեղի կունենա հուլիսի 30-ից օգոստոսի 10-ը՝ Ուզբեկստանի Սուրխհանդարիա շրջանում: «Զորավարժությունների գործնական պարապմունքերը տեղի կունենան Աֆղանստանին սահմանակից տարածքում գտնվող Թերմեզ քաղաքում՝ շուրջ 200 միավոր ռազմական տեխնիկայի, այդ թվում՝ ավիացիայի ներգրավմամբ», - ասված է հայտարարության մեջ:

Նշվում է, որ զորավարժությունների շրջանակներում զինվորականները կմշակեն Կենտրոնական Ասիայի տարածաշրջանի պետությունների տարածքային ամբողջականության ապահովման խնդիրները: Ռուսաստանի Դաշնության հիմնական զորամիավորումը կլինեն խաղաղապահ ստորաբաժանման և Կենտրոնական ռազմական օկրուգի հատուկ նշանակության բրիգադի ռազմական անձնակազմերը:

Ավելի վաղ հայտնի էր դարձել, որ օգոստոս֊սեպտեմբեր ամիսներին Ռուսաստանը և Կենտրոնական Ասիայի հանրապետությունները մի շարք համատեղ զորավարժություններ են անցկացնելու Աֆղանստանի սահմանին:

Ներկայումս Աֆղանստանում առճակատում է կա կառավարական ուժերի և «Թալիբան» շարժման գրոհայինների միջև, որոնք զգալի տարածքներ են գրավել գյուղական վայրերում և նախահարձակ գործողություններ են իրականացնում մեծ քաղաքներում: Սրացումն ընթանում է երկրից ԱՄՆ ռազմական զորակազմի դուրսբերման ֆոնին: