Դոնբասի շուրջ կրքերը թեժանում են․ ուկրաինական բանակին հորդորել են պատրաստվել պատերազմի

Կիևի իշխանությունները պետք է սկսեն մշակել Դոնբասի հնարավոր ռազմական ազատագրման ծրագիր Ռուսաստանում խորհրդարանական ընտրություններից հետո, հայտարարել է Ուկրաինայի «ժամանակավորապես գրավյալ տարածքների» հարցերով նախկին փոխնախարար Յուրի Գրիմչակը:

«Ես կցանկանայի, որ դա տեղի ունենար քաղաքական և դիվանագիտական ​​միջոցներով, բայց բանակը պետք է պատրաստ լինի զենքի հնարավոր կիրառմանը», - նրա խոսքերը մեջբերում է Gazeta.ru-ն:

Ըստ Գրիմչակի՝ Դոնբասում բնակվող ռուսաստանցիների մասնակցությունն ընտրություններին վկայում է այդ հողերը ՌԴ֊ին միացնելու Մոսկվայի մտադրության մասին: 2019-ին ՌԴ նախագահ Վլադիմիր Պուտինը ինքնահռչակ Դոնբասի հանրապետության բնակիչների համար հեշտացրեց  ռուսական անձնագրեր ձեռք բերելու գործընթացը: Ըստ Ռուսաստանի առաջնորդի՝ սա «զուտ մարդասիրական խնդիր է»։ «Մոսկվան չի ցանկանում խնդիրներ ստեղծել Կիևի համար, սակայն Ուկրաինայի հարավ-արևելքում քաղաքացիական իրավունքների հետ կապված իրավիճակը «անցնում է բոլոր սահմանները»»,֊ասվում է հաղորդագրության մեջ: Ավելի ուշ Ռոստովի մարզում հայտնվեցին ռուսական անձնագրեր տրամադրելու կենտրոններ: 2019 թվականի հունիսին Դոնբասի բնակիչները պարզեցված սխեմայով առաջին փաստաթղթերը ստացան:

Հաղորդվում է նաև, որ ուկրաինացի պատգամավորները մտադիր են քննարկել Երկրի այն բնակիչների քաղաքացիությունից զրկելու մասին օրինագիծը, որոնք կամավոր ստացել են ռուսական անձնագրեր: