Թուրք պրոֆեսորը հայտնել է՝ ինչ պայմանով Թուրքիան կճանաչի Ղրիմը՝ որպես Ռուսաստանի մաս
Համաշխարհային Մամուլ
Ռուսաստանը և Թուրքիան կկարողանան համաձայնության գալ Ղրիմի կարգավիճակի շուրջ, եթե Մոսկվան ճանաչի Հյուսիսային Կիպրոսի Թուրքական Հանրապետությունը՝ որպես անկախ պետություն: Այս մասին «Lenta.ru»-ին տված հարցազրույցում ասել է Թուրքիայի համալսարանի պրոֆեսոր Մալթեպե Հասան Ունալը:
Նա Ռուսաստանին կոչ է արել դառնալ ՀԿԹՀ ճանաչման շարժման առաջնորդ, քանի որ միավորման դեպքում Կիպրոսը կարող է դառնալ ՆԱՏՕ-ի մաս, ինչը չի բխում Մոսկվայի շահերից: «Ռուսաստանին հարկավոր չէ անհապաղ ճանաչել հանրապետությունը։ Բավական է չխառնվել նրա գործերին և չսկսել ուղղակի առեւտուր Հյուսիսային Կիպրոսի հետ», - ասել է Ունալը:
Ըստ փորձագետի՝ այս դեպքում Թուրքիան կհրաժարվի Ղրիմը՝ որպես Ուկրաինայի տարածք ճանաչելու մասին իր հայտարարություններից, իսկ տեղական ավիաընկերությունները կվերսկսեն ուղիղ թռիչքները դեպի թերակղզի:
Այս ամենը, ըստ պրոֆեսորի, կարող է անիրատեսական թվալ Ղրիմի և Կիպրոսի խնդիրների վերաբերյալ երկու երկրների դիրքորոշումների պատճառով։ «Բայց մի մոռացեք, որ քաղաքական գործիչները հռետորաբանություն են օգտագործում՝ բանակցությունների դեպքում ավելի ուժեղ դիրքեր գրավելու համար», - եզրափակել է Ունալը:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
