Նազելիի կենսագրությունն ինչ-որ չափով նման է Արցախի նորագույն պատմությանը. Դավիթ Բաբայան
Բլոգոսֆերա
Արցախի ԱԳ նախարար Դավիթ Բաբայանն այսօր ընդունել է ծանրամարտի աշխարհի և Եվրոպայի կրկնակի չեմպիոն հայ անվանի ծանրամարտուհի Նազելի Ավդալյանին։ Այդ մասին նա նշել է ֆեյսբուքյան իր էջում:
«Զրույցի ընթացքում տպավորվել եմ Նազելիի տեղեկացվածությամբ և տարբեր հարցերի վերաբերյալ նրա յուրօրինակ տեսլականով։
Նազելին մեծ հայրենասեր է, որի կենսագրությունն ինչ-որ չափով նման է Արցախի նորագույն պատմությանը։ Լինելով փառքի գագաթնակետին՝ Նազելին ավտովթարի է ենթարկվել և ծանր վնասվածքների պատճառով դարձել անօգնական։ Ամենահայտնի բժիշկները պնդում էին, որ նրա ապագան անորոշ է։ Սակայն, նա ոչ միայն կարողացավ ապաքինվել, այլ նաև նվաճեց Եվրոպայի չեմպիոնի տիտղոսը։ Դա նրան հաջողվեց անսասան հավատքի, անկոտրում կամքի, լավատեսության և աշխատասիրության, հարազատների ու բարեկամների աջակցության շնորհիվ։
Հենց այդ արժեքներն ու գաղափարներն օգնեցին նրան հաղթահարել անհաղթահարելի թվացող դժվարությունները։ Հենց այդպիսի արժեքները կօգնեն նաև մեր ժողովրդին հաղթահարել ներկայիս դժվարությունները։
Արցախի վերականգնման և տարբեր ոլորտների զարգացման գործում չափազանց կարևոր է ներգրավել նմանօրինակ մարդկանց, իրենց ոլորտի առաջամարտիկներին»,- գրել է նա։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
