Բեռլինում, բողոքի ցույցերի ընթացքում, վիրավորվել է ավելի քան 60 ոստիկան
Համաշխարհային Մամուլ
Բեռլինում, COVID-ի սահմանափակումների դեմ բողոքի ակցիաների ժամանակ, վիրավորվել է ավելի քան 60 ոստիկան, ավելի քան 500 հետաքննություն է ընթանում խախտումների վերաբերյալ, հայտնում է Բեռլինի ոստիկանության մամուլի ծառայությունը:
«Այս պահին ավելի քան 60 ոստիկան վիրավորվել է հանգստյան օրերին հերթափոխի ժամանակ, այդ թվում՝ ծանր վիրավորում ստացած ոստիկաններ կան», - ասվում է մամուլի ծառայության վերջին հայտարարության մեջ:
Ավելի վաղ Բեռլինում ոստիկանությունը արգելել էր մի քանի բողոքի ակցիաներ, որոնք կորոնավիրուսային համաճարակի հետ կապված սահմանափակումների հակառակորդները պատրաստվում էին անցկացնել օգոստոսի 1-ին: Ենթադրվում էր, որ ամենամեծ ակցիային կմասնակցի ավելի քան 20 հազար մարդ: «Չնայած հանրությանը հայտնի արգելքներին՝ առավոտյան քաղաքի առանձին հատվածներում մարդկանց մեծ խմբեր հավաքվեցին: Նրանք անմիջապես արգելափակվեցին ոստիկանության կողմից», - հայտնել է Բեռլինի ոստիկանությունը:
Միևնույն ժամանակ, անօրինական գործողությունների մասնակիցները փորձել են դուրս գալ քաղաքի կենտրոն տանող ճանապարհին տեղադրված պատնեշներից, ֆիզիկապես դիմադրել են աշխատակիցներին, ովքեր փորձել են փակել նրանց ճանապարհը, հարձակվել իրավապահների և անցորդների վրա՝ «մասամբ» նրանց վիրավորելով», - ասվում է զեկույցում:
Ամենադիտված 
Մնաս բարյավ. Րաֆֆի Հովհաննիսյան
