Աֆղանստանի նախագահը կարող է առաջիկա ժամերին հրաժարական տալ
Համաշխարհային Մամուլ
Աֆղանստանի նախագահ Աշրաֆ Գանին կարող է առաջիկա մի քանի ժամվա ընթացքում հայտարարել հրաժարականի մասին, հաղորդում է Al Arabiya հեռուստաալիքը:
Կիրակի առավոտյան Գանին արտակարգ խորհրդակցություններ է սկսել Աֆղանստանի հաշտեցման հարցերով ԱՄՆ հատուկ ներկայացուցիչ Զալմայ Խալիլզադի և ՆԱՏՕ-ի բարձրաստիճան պաշտոնյաների հետ:
Ավելի վաղ Al Arabiya-ն հայտնել էր, որ «Թալիբան» շարժման ներկայացուցիչների պատվիրակությունը ժամանել է Քաբուլում գտնվող նախագահական պալատ: Նրանք մտադիր են կառավարության հետ քննարկել Աֆղանստանի մայրաքաղաքի խաղաղ հանձնման և իշխանության փոխանցման հարցերը:
Թալիբները նաև ընդգծել են, որ Գանիի վարչակազմը պատասխանատու է լինելու Քաբուլի անվտանգության համար մինչև անցումային շրջանի ավարտը:
Բանակցություններում միջնորդի դեր է ստանձնել Աֆղանստանում ազգային հաշտեցման գերագույն խորհրդի ղեկավար Աբդուլլահ Աբդուլլահը:
Աֆղանական Khaama Press գործակալության աղբյուրներն արդեն տեղեկություն են տարածել, որ Աֆղանստանի ներքին գործերի նախարարության նախկին ղեկավար և Գերմանիայում նախկին դեսպան Ալի Ահմադ Զալալին կնշանակվի երկրի անցումային կառավարության ղեկավար:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
