Այն, ինչ արեց Բայդենն Աֆղանստանի հետ, կլինի ԱՄՆ-ի պատմության ամենամեծ պարտություններից մեկը․ Թրամփ
Համաշխարհային Մամուլ
Միացյալ Նահանգների հանրապետական նախկին նախագահ Դոնալդ Թրամփը կարծում է, որ Սպիտակ տան ներկայիս ղեկավար, դեմոկրատ Ջո Բայդենի գործողությունները Աֆղանստանում պատմության մեջ կմնան որպես Միացյալ Նահանգների ամենամեծ պարտություններից մեկը:
«Այն, ինչ Ջոո Բայդենն արեց Աֆղանստանի հետ, լեգենդար է: Դա կլինի պատմության ամենամեծ պարտություններից մեկը», - ասված է Թրամփի հայտարարության մեջ, որը կիրակի օրը Twitter-ի իր էջում կիսել է հանրապետական խոսնակ Լիզ Հարինգթոնը:
Շաբաթ օրը ավելի վաղ նախկին նախագահը Աֆղանստանում տիրող իրավիճակը անվանել էր ԱՄՆ ներկայիս վարչակազմի «ոչ կոմպետենտության» հետևանք:
Ինչպես հայտնի է, ապրիլի 14 -ին Բայդենը հայտարարեց իր որոշման մասին` դադարեցնելու Աֆղանստանի արտասահմանյան ամենաերկար ռազմական արշավը Ամերիկայի պատմության մեջ:
«Թալիբան» շարժման գրոհայինները, ըստ Al Arabya հեռուստաալիքի, կիրակի օրը, առանց դիմադրության, մտան Քաբուլ և սկսեցին գրավել կառավարական ուժերի կողմից լքված պետական հաստատությունները: Աֆղանստանի նախագահ Աշրաֆ Գանին լքեց երկիրը:
Ավելի ուշ թալիբները հայտարարեցին Աֆղանստանի մայրաքաղաքի բոլոր տարածքներում վերահսկողություն սահմանելու մասին:
Ամենադիտված 
Մնաս բարյավ. Րաֆֆի Հովհաննիսյան
