Փախուստի դիմած Աֆղանստանի նախագահին չեն կարողանում գտնել
Համաշխարհային Մամուլ
Տաջիկստանի արտաքին գործերի նախարարությունը հերքել է Աֆղանստանի նախագահի՝ երկիր ժամանելու մասին տեղեկությունները: Նույն հայտարարությամբ հանդես է եկել նաև Ղազախստանի արտաքին գործերի նախարարությունը: Ուզբեկստանը նույնպես հերքում է, որ Աշրաֆ Գանին ժամանել է հանրապետություն:
«Պարոն Մուհամմադ Աշրաֆ Գանիի ինքնաթիռը չի մտել Տաջիկստանի օդային տարածք և վայրէջք չի կատարել երկրի տարածքում: Հարկ է նաև նշել, որ աֆղանական կողմից տաջիկական կողմը համապատասխան խնդրանք չի ստացել», ֊այս մասին ասվում է ԱԳՆ պաշտոնական հաղորդագրության մեջ:
Աֆղանստանի նախագահը Ղազախստանի տարածքում չէ, «Ինտերֆաքս» -ին հայտնել են հանրապետության արտաքին գործերի նախարարությունից:
Նախօրեին հաղորդվել էր, որ Գանին հեռացել է Քաբուլից՝ արյունահեղությունը կանխելու համար: Ըստ որոշ տեղեկությունների՝ նա մեկնել է Կենտրոնական Ասիայի երկրներից մեկը: Ըստ New York Times-ի և Al-Jazeera-ի՝ Գանին ինքնաթիռով մեկնել է Ուզբեկստան։ Տաշքենդում Աֆղանստանի դեսպանատունը դա չի հաստատում: «Մենք չենք կարող հաստատել նման տեղեկատվությունը, քանի որ նման տվյալներ չունենք», - ասել են դեսպանատանը:
Ամենադիտված 
Մնաս բարյավ. Րաֆֆի Հովհաննիսյան
