Թալիբները ՄԱԿ-ին խնդրել են չհեռանալ Աֆղանստանից

Թալիբները աջակցություն են հայտնել ՄԱԿ-ին և խնդրել են կազմակերպությանը մնալ երկրում և շարունակել մարդասիրական գործունեությունը:

Նրա խոսքով՝ Աֆղանստանում ՄԱԿ-ի մարդասիրական գրասենյակի և թալիբների միջև փոխգործակցությունը շարունակվում է արդեն 18 տարի: «Մենք նրանց հետ աշխատել ենք այս ամբողջ ընթացքում: Եվ մենք հարաբերություններ ենք հաստատել հումանիտար գործունեության իրականացման համար», - ասել է Աֆղանստանում ՄԱԿ-ի հումանիտար հարցերի համակարգող Ռամիզ Ալակբարովը:

Նրա խոսքով՝ վերջին օրերին գրասենյակի և «Թալիբան» շարժման միջև «նոր համաձայնություններ» չեն եղել:

«Մենք ունենք աշխատանքային շփումներ: Նրանք կրկին իրենց աջակցությունն են հայտնել և խնդրել մեզ շարունակել մնալ այստեղ և մարդասիրական օգնություն ցուցաբերել», - ասել է Ալակբարովը:
Միևնույն ժամանակ, նա ավելացրել է, որ փոփոխվող իրավիճակի պայմաններում, բնականաբար, որոշ պարզաբանումներ կարվեն, փոխգործակցության մանրամասներ կմշակվեն: «Բայց մինչ այժմ պայմանագրերում նոր լրացումներ չկան, որոնց հիման վրա մենք աշխատում ենք», - պարզաբանել է նա:

Պատասխանելով այն հարցին, թե փոխգործակցության ո՞ր ասպեկտներն է նախատեսվում քննարկել թալիբների հետ, համակարգողը մատնանշել է.
«Որոշ ոլորտներում կանայք բախվում են նման խոչընդոտների, սակայն «ամեն ինչ կախված է նրանից, թե ով որ տարածքի հրամանատարն է»: «Մենք դեռ կենտրոնացված ցուցումներ չենք տեսել», - ավելացրել է Ալակբարովը: