Թալիբները համաներում են առաջարկել Աֆղանստանի նախագահ Ղանիին
Համաշխարհային Մամուլ
Թալիբները համաներում են առաջարկել Աֆղանստանի նախագահ Աշրաֆ Ղանիին և փոխնախագահ Ամրուլլահ Սալեհին՝ թույլ տալով նրանց վերադառնալ երկիր, եթե ցանկանան:
«Մենք ներում ենք Աշրաֆ Ղանիին, Ամրուլլահ Սալեհին և նախագահի անվտանգության հարցերով խորհրդական Համդուլլահ Մոհիբին: Մենք ներում ենք մեր կողքին գտնվող բոլորին՝ գեներալից, որը մեր դեմ պայքարեց, մինչև հասարակ մարդկանց», - ասել է «Թալիբանի» առաջնորդ Խալիլ Ուր Ռահման Հաքանին Պակիստանի Geo հեռուստաընկերությանը՝ հավելելով, որ վեճը հիմնված է միայն կրոնի վրա:
Ինչպես հայտնի է, ամերիկյան զորախմբի դուրսբերման ֆոնին «Թալիբան» շարժման ապստամբները սկսեցին հարձակումը և գրավեցին բոլոր խոշոր քաղաքները՝ հայտարարելով քսանամյա պատերազմի ավարտը:
Կառավարման ձևը պարզ կդառնա մոտ ապագայում, գրոհայինները համաձայն չեն անցումային կառավարության հետ:
Աֆղանստանի նախագահ Աշրաֆ Ղանին փախավ երկրից և երկու օր անց տեսաուղերձ հղեց ԱՄԷ-ից, որում խոստացավ վերադառնալ հայրենիք: Իր հերթին, Սալեհը, որը նույնպես լքել էր Աֆղանստանի տարածքը, ասաց, որ այժմ, ըստ Սահմանադրության, ինքը դառնում է պետության ղեկավարը և զինված դիմադրության կոչ է անում «Թալիբանի» դեմ:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
