Եգիպտոսի ծննդատանը բուժքույրը փրկել է յոթ նորածնի

Երկրի հարավում գտնվող Եգիպտոսի Քենա քաղաքի ծննդատան բուժքույրը կարողացել է յոթ նորածնի փրկել թթվածնի մատակարարման հանկարծակի դադարեցումից հետո, հայտնում է Akhbar el-Youm պորտալը:

Շադիա Հուսեյնը, ով աշխատում է մասնավոր կլինիկայում, ասել է, որ իր աշխատանքի ընթացքում հանկարծակի պայթյուն է տեղի ունեցել նորածինների բաժանմունք թթվածնի մատակարարման համակարգում, որտեղ կար ութ երեխա՝ մեկից մինչև 20 օրական հասակում:

Նրա խոսքով՝ գործընկերների օգնությամբ՝ շտապ օգնություն ահազանգելուց հետո իրեն հաջողվել է փրկել երեխաներին և շտապ օգնության մեքենաներով ուղարկել այլ կլինիկաներ:

21 օրական մի աղջկա փրկել չի հաջողվել:

Քենայի դատախազությունը հետաքննություն է սկսել թթվածնի մատակարարման հանկարծակի դադարեցման և երեխայի մահվան հանգամանքների վերաբերյալ: