ԱՄՆ-ում ալիգատորը բռնել է անօդաչու թռչող սարքը և փորձել ուտել (տեսանյութ)

ԱՄՆ Ֆլորիդա նահանգում տեսախցիկը ֆիքսել է անօդաչու թռչող սարք ուտելու ալիգատորի փորձը, որը, դատելով տեսանյութից, պայթել է նրա բերանում: Միջադեպի տեսանյութը TikTok- ում տեղադրել է Devhlanger անունով բլոգերը:

Հոլովակում երևում է, թե ինչպես է գիշատիչը բռնում իր վրայով թռչող սարքը, սկսում ծամել, և մի քանի վայրկյան հետո ծխի ամպեր են ժայթքում նրա բերանից:

Ինչպես նշում է Daily Mail-ը, դեպքը տեղի է ունեցել Էվերգլեյդսում գտնվող ալիգատորների ֆերմայում շրջագայության ժամանակ: Զբոսաշրջիկները փորձել են անօդաչու թռչող սարքով տեսանկարահանել ալիգատորին, սակայն կենդանին, զգուշությամբ դիտելով սարքին, հանկարծակի դուրս է թռել ջրից և բռնել այն:

Գիշատչի մասնակցությամբ տեսանյութերից մեկը 4.2 միլիոնից ավելի դիտում է ունեցել: Միեւնույն ժամանակ, շատ օգտատերեր վրդովվել են զբոսաշրջիկների պահվածքից եւ անհանգստացել ալիգատորի վիճակով:

«Ջորջը (ալիգատորի անունը - խմբ.) լավ է և դեռ քաղցած տեսք ունի», - ավելի ուշ գրել է բլոգերը: