Ուկրաինան Եվրոպայի առաջնորդը կդառնա․ Զելենսկի
Համաշխարհային Մամուլ
Ուկրաինան ապագայում կդառնա ուժեղ, հաջողակ երկիր, Եվրոպայի առաջնորդը կդառնա: Այս մասին Ստենֆորդի համալսարանում հայտարարել է Ուկրաինայի նախագահ Վլադիմիր Զելենսկին:
«Մենք լինելու ենք ուժեղ, վստահ, հաջողակ երկիր, Եվրոպայի առաջնորդը», - ասել է նա: Զելենսկին բացատրել է, որ ինքը վստահ է դրանում, «քանի որ ամեն ինչ հնարավոր է»:
Նախագահը հավելել է, որ ինքը «ուկրաինական երազանք» ունի՝ նշելով, որ թվայնացումը, ինչպես նաև Ղրիմի և Դոնբասի վերադարձը այդ ցանկում են: Ուկրաինայում վարվող թվայնացման քաղաքականության համատեքստում Զելենսկին հիշել է, որ առաջիկա տարիներին երկրում հանրային ծառայությունների 100% -ը հասանելի կլինի առցանց, և նաև հայտարարել է, որ երազում է ընտրություններին էլեկտրոնային քվեարկության համակարգի ներդրման մասին:
Բացի այդ՝ Ուկրաինայի առաջնորդը ամերիկացի ունկնդիրներին տեղեկացրել է իր ղեկավարությամբ իրականացվող բարեփոխումների, ճանապարհների կառուցման, հողի շուկայի ներդրման և այլ գործընթացների մասին, որոնք նա համարում է ներկայիս կառավարության ձեռքբերումները:
Ամենադիտված 
Մնաս բարյավ. Րաֆֆի Հովհաննիսյան
