ԱՄՆ-ն, սեպտեմբերի 11-ի տարելիցին ընդառաջ, վախենում է ահաբեկիչների ակտիվացումից․ CNN

Ահաբեկչական կազմակերպությունները կարող են համալրել հավաքագրումը սեպտեմբերի 11-ի ահաբեկչության 20 -ամյակին և Աֆղանստանից ամերիկյան զորքերի դուրսբերմանը ընդառաջ: Այս մասին հայտնում է CNN-ը:

Ըստ լրագրողների՝ «Ալ-Քաիդան» և ԻՊ-ն ավելի վաղ քարոզչական հաղորդագրություններում անդրադարձել էին սեպտեմբերի 11-ի հարձակումներին: Դրանք պարունակում էին նաև տեղեկատվություն Աֆղանստանից ամերիկյան զորքերի դուրսբերման մասին:

Ամերիկյան հատուկ ծառայությունները չեն բացառում, որ «գործոնների միախառնումը» կարող է նպաստել ցանկացած հարձակումների իրականացմանը:

Փաստաթղթում նշվում է, որ գերատեսչությունները դեռ տեղեկություն չունեն սեպտեմբերի 11-ի ահաբեկչության 20-րդ տարելիցի հետ կապված կոնկրետ սպառնալիքների մասին, բայց չեն բացառում, որ սգո իրադարձությունները ահաբեկիչները կարող են դիտարկել՝ որպես հավանական հարձակման օբյեկտ:

Նախօրեին Politico-ն հայտնել էր, որ ԱՄՆ նախագահ Ջո Բայդենը պատվիրել է սեպտեմբերի 11-ի հարձակումների վերաբերյալ փաստաթղթերի վերանայում՝ հնարավոր գաղտնազերծման համար:

Օգոստոսի սկզբին NBC News-ը հաղորդել էր, որ 1,8 հազար ամերիկացիներ, որոնք ճանաչվել են Նյու Յորքի Երկվորյակ աշտարակների վրա հարձակման տուժածներ, դեմ են արտահայտվել Բայդենի մասնակցությանը ոգեկոչման միջոցառումներին, մինչև նա չգաղտնազերծի ողբերգության հանգամանքների մասին նյութերը: