ՌԴ ԱԻ նախարարը զոհվել է քաղաքացու կյանքը փրկելիս

Ծառայության ընթացքում, փրկելով մեկ այլ մարդու կյանք, ողբերգական հանգամանքներում մահացել է ՌԴ Արտակարգ իրավիճակների նախարար Եվգենի Զինիչևը, հայտնում է գերատեսչությունը:

«Ռուսաստանի արտակարգ իրավիճակների նախարարությունը ցավով տեղեկացնում է, որ Եվգենի Զինիչևը մահացել է իր պարտականությունները կատարելիս՝ մասնակցելով Արկտիկայի գոտին արտակարգ իրավիճակներից պաշտպանելու միջգերատեսչական վարժանքներին՝ փրկելով մեկ այլ մարդու կյանք», - ասվում է նախարարության հայտարարության մեջ:

Զինիչևը մեկնել է Դուդինկա քաղաք՝ ստուգելու, թե ինչպես է կառուցվում նոր հրդեհային կայանը: Ինչպես իր տելեգրամյան ալիքում գրում է RT հեռուստաալիքի գլխավոր խմբագիր Մարգարիտա Սիմոնյանը, որի նկարահանող խումբը ներկա է եղել դեպքի վայրում, նախարարն ու օպերատորը կանգնել են ժայռի եզրին, օպերատորը սայթաքել է և ընկել ջուրը: Զինիչևը շտապել է՝ փրկելու նրան, բայց բախվել է դուրս ցցված քարին։ Օպերատորը նույնպես մահացել է: