Աֆղանստանի ազգային բանկը սկսել է սառեցնել նախկին նախարարների և պաշտոնյաների հաշիվները

Աֆղանստանի ազգային բանկը սառեցնում է նախկին նախարարների, նախկին պաշտոնյաների, կառավարության անդամների և սպաների հաշիվները, հայտնում է Al-Jazeera-ն՝ վկայակոչելով «Թալիբանի» աղբյուրին:
«Ազգային բանկը սառեցնում է նախկին նախարարների, խորհրդարանի անդամների, սպաների և նախկին պաշտոնյաների հաշիվները»,-հաղորդում է հեռուստաալիքը:

Թալիբները մեկ ամիս առաջ ուժեղացրեցին հարձակումը կառավարական ուժերի դեմ, օգոստոսի 15 -ին մտան Քաբուլ, իսկ հաջորդ օրը հայտարարեցին, որ պատերազմն ավարտված է: Օգոստոսի 3-ի գիշերը ամերիկացի զինվորականները լքեցին Քաբուլի օդանավակայանը՝ վերջ դնելով Աֆղանստանում ամերիկյան գրեթե 20-ամյա ռազմական ներկայությանը:

Սեպտեմբերի 6-ին թալիբները հայտարարեցին, որ Աֆղանստանի 34 նահանգներից վերջինը՝ Փանջշիրը, իրենց վերահսկողության տակ է անցել: Հաջորդ օրը հայտնի դարձավ Աֆղանստանի ժամանակավոր կառավարության կազմը: Այն կգլխավորի Մոհամմադ Հասան Ախունդը, ով արտաքին գործերի նախարար էր թալիբների առաջին կառավարման ժամանակ և գտնվում է ՄԱԿ-ի պատժամիջոցների ներքո: