Աֆղանստանի Փանջշիր նահանգի բնակիչները վախենում են, որ սովից կմահանան
Համաշխարհային Մամուլ
Աֆղանստանի Փանջշիր նահանգում «Թալիբան» շարժման վերջին դիմադրությանը մասնակցած բնակիչները, որոնք փախել են երկրի մայրաքաղաք Քաբուլ, հայտնում են, որ նահանգի մարդիկ կարող են սովից մահանալ, եթե ներկայիս իրավիճակը պահպանվի, հաղորդում է Tolo News-ը:
Հեռուստաալիքը զրուցել է մի քանի ընտանիքների հետ, ովքեր Փանջշիրից տեղափոխվել են Քաբուլ: Այս ընտանիքներից մեկը, որը կորցրել է որդուն մարտում, հայտնել է, որ նահանգում հումանիտար ճգնաժամ է սկսվել:
«Հարձակումներն ու հակամարտությունները հաճախակիացել են, մարդիկ նույնիսկ փախել են լեռներ», - հեռուստաալիքին ասել է Շայեստա Մեհրաբանի ընտանիքի անդամներից մեկը:
Մարզում մարտերի սկսվելուց անմիջապես հետո ճանապարհները փակվեցին, հոսանքն ու հաղորդակցությունն անջատվեցին: Միևնույն ժամանակ, «Թալիբան» շարժման ներկայացուցիչները հավաստիացրել են, որ շուտով նորից միացնելու են նահանգի էլեկտրաէներգիան:
Աֆղանստանի փախստականների հարցերով նախարարի պաշտոնակատար Խալիլ ալ-Ռահման Հաքանին ասել է, որ շուտով Փանջշիր նահանգում կսկսվի իրենց տները հարկադրաբար լքած մարդկանց և տարածաշրջանում հակամարտությունից տուժածներին օգնության գործընթացը:
«Մենք կփորձենք անհրաժեշտ օգնություն ցուցաբերել տեղահանվածներին Փանջշիրում և այլուր», - ասել է Հաքքանին, մեջբերում է հեռուստաալիքը:
Ամենադիտված 
Մնաս բարյավ. Րաֆֆի Հովհաննիսյան
