Սի Ցզինպինը մերժել է Բայդենի հետ հանդիպման առաջարկը
Համաշխարհային Մամուլ
ԱՄՆ նախագահ Ջո Բայդենը վերջերս հեռախոսազրույցի ժամանակ առաջարկել էր Չինաստանի նախագահ Սի Ցզինպինին գագաթնաժողով անցկացնել, սակայն Չինաստանի ղեկավարը հրաժարվել է՝ առաջարկելով Վաշինգտոնին մեղմացնել իր հռետորաբանությունը Պեկինի նկատմամբ, գրում է Financial Times-ը:
Հրապարակումը հղում է կատարում երկու առաջնորդների զրույցի մանրամասներին ծանոթ աղբյուրներին: Նրանց խոսքով՝ Բայդենը Սի Ցզինպինի հետ 90 րոպե տևած զրույցի ընթացքում առաջարկել է գագաթնաժողով անցկացնել, սակայն չի կարողացել համաձայնության գալ: Սա, իբր, «մի շարք ամերիկացի պաշտոնյաների հանգեցրել է այն եզրակացության, որ Պեկինը շարունակում է կոշտ խաղ խաղալ Վաշինգտոնի հետ»:
«ԱՄՆ նախագահն առաջարկել է Սիին գագաթնաժողով անցկացնել՝ ԱՄՆ-ի և Չինաստանի հարաբերությունների փակուղուց ելք գտնելու համար։ Բայց Չինաստանի առաջնորդը չի ընդունել նրա առաջարկը և փոխարենը պնդել է, որ Վաշինգտոնը Պեկինի նկատմամբ ընտրի ավելի քիչ կոշտ դիրքորոշում»,-գրում է թերթը:
«Չնայած նրան, որ այս տարի Սին ավելի քիչ էր «կոշտ լեզու» օգտագործում, քան չինացի բարձրաստիճան դիվանագետները, Բայդենին ուղղված նրա ընդհանուր ուղերձն այն էր, որ ԱՄՆ-ն պետք է մեղմացնի իր հռետորաբանությունը»,-մեջբերում է թերթը՝ իր աղբյուրներին հղում անելով:
Սպիտակ տունը դեռ չի մեկնաբանել հրապարակումը:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
