Ռուսաստանում մեկնարկել են Պետդումայի եռօրյա ընտրությունները

Ռուսաստանում մեկնարկել են Պետդումայի եռօրյա ընտրությունները, որոնք կանցկացվեն սեպտեմբերի 17-19-ը: Առաջին ընտրատեղամասերը բացվել են տեղական ժամանակով առավոտյան 8:00-ին:

Կենտրոնական ընտրական հանձնաժողովը գրանցել է Պետական ​​դումայի ընտրություններին մասնակցելու 14 կուսակցությունների ցուցակները՝ ընդհանուր 3 812 թեկնածուներով: Նրանցից բացի՝ ընտրություններին մասնակցելու համար գրանցվել են 2020 թեկնածուներ՝ միամանդատ ընտրատարածքներում: Նրանցից տասը ինքնառաջադրված են, մնացածը ներկայացնում են քաղաքական կուսակցություններ:

Օրենսդիր ժողովների ընտրությունները կանցկացվեն 39 մարզերում, իսկ մարզերի ղեկավարների ուղղակի ընտրությունները՝ ինը մարզերում: Եվս երեք մարզերում խորհրդարանի պատգամավորները կքվեարկեն մարզպետների օգտին: