Հնդկաստանում վարչապետի ծննդյան օրվա առթիվ՝ 22 միլիոն մարդ պատվաստվել է COVID-19-ի դեմ․ BBC

Հնդկաստանում մեկ օրում՝ սեպտեմբերի 17-ին, ավելի քան 22 միլիոն մարդ պատվաստվել է COVID-19- ի դեմ, ինչը նոր ռեկորդ է դարձել երկրի համար, հայտնում է BBC-ն:

Ինչպես նշում է թերթը, պատճառը քաղաքացիների ցանկությունն էր այս կերպ նշելու Հնդկաստանի վարչապետ Նարենդրա Մոդիի ծննդյան օրը, ով դարձավ 71 տարեկան:

Կորոնավիրուսային պատվաստումների նախորդ ռեկորդը սահմանվել էր օգոստոսի 27-ին՝ պատվաստվել էր ավելի քան 13 միլիոն հնդիկ:

Հստակեցվում է, որ Հնդկաստանի իշխանությունները նախատեսում են մինչև 2021 թվականի վերջ պատվաստել երկրի ողջ չափահաս բնակչությանը: Մինչ օրս Հնդկաստանում ավելի քան 787 միլիոն մարդ պատվաստվել է COVID-19-ի դեմ:

Ավելի վաղ հաղորդվել էր, որ Հնդկաստանն աշխարհում առաջինն էր, որ մշակել է ԴՆԹ պատվաստանյութ նոր կորոնավիրուսային վարակի դեմ, որը կոչվեց ZyCoV-D: Այն ներմուծվում է հիվանդի մաշկի մեջ՝ առանց ներարկման՝ հատուկ սարքի միջոցով։