Որն է համաճարակները հաղթահարելու միակ ուղին․ Բիլ Գեյթս

Աշխարհը պատրաստ կլինի հաջորդ համաճարակներին միայն այն ժամանակ, երբ երկրները կարողանան նոր պատվաստանյութեր ստեղծել 100 օրվա ընթացքում, հայտնում է ամերիկյան The Wall Street Journal թերթը՝ վկայակոչելով Բիլ և Մելինդա Գեյթսերի հիմնադրամի զեկույցը:
Հաղորդվում է, որ վեց տարի առաջ մի ամերիկացի ձեռնարկատեր զգուշացրել էր, որ համաճարակը աշխարհի համար ամենավատ պոտենցիալ մարդասպանը կլինի:

«Ես մի փոքր մտահոգված եմ, որ ավելի քիչ շեշտ է դրվում համաճարակներին նախապատրաստվելու վրա, քան ես սպասում էի», - ասել է Գեյթսը:

Երկուշաբթի օրը հրապարակված Bill & Melinda Gates Foundation-ի զեկույցը կոչ է անում աշխարհի երկրներին ավելի շատ ներդրումներ կատարել առողջապահական համակարգերում և, մասնավորապես, պատվաստանյութերի արտադրության մեջ: Զեկույցում ասվում է, որ համաճարակի դադարեցման ուղին նույնն է, ինչ մյուս վարակիչ հիվանդությունների դեպքում՝ զանգվածային թեստավորում, բուժում և պատվաստում:

«Համաճարակին նախապատրաստումը ներառում է 100 օրվա ընթացքում պատվաստանյութ ստեղծելու և ստեղծումից հետո հաջորդ 100 օրվա ընթացքում ամբողջ աշխարհի համար բավարար արտադրելու ունակություն», - ասել է հիմնադրամի համանախագահ Բիլ Գեյթսը։
Ըստ ձեռնարկատիրոջ՝ այս խնդիրների միակ իրական լուծումը գործարանների կառուցումն է, որոնք ունակ են ամբողջ աշխարհի համար բավականաչափ պատվաստանյութեր արտադրել:
«Եվ դա հնարավոր է», - ասել է Գեյթսը: