Գազը ռեկորդային գնաճ է գրանցել

Գազի գները եվրոպական շուկայում պատմության մեջ առաջին անգամ գերազանցել են հազար դոլարը հազար խորանարդ մետրի համար, տեղեկանում ենք ICE Futures-ի տվյալներից:

Այսպիսով՝ հոլանդական TTF ինդեքսի ֆյուչերսները սկսվեցին 992 դոլարից և մինչև Երևանի ժամանակով ժամը 11:10֊ը հասան պատմական առավելագույնին՝ գրեթե 1030 դոլարի:

Նախորդ ռեկորդը գրանցվել էր սեպտեմբերի 15 -ին: Այնուհետև հազար խորանարդ մետրի գինը բարձրացել էր մինչև 963,9 դոլար:

Եվրոպայում վերջին շաբաթների ընթացքում վառելիքի գինը բարձրացել է ավելի քան մեկուկես անգամ։