Աֆղանստանը կօգտագործի 1964 թվականի սահմանադրությունը

Աֆղանստանը կկիրառի երկրի վերջին թագավորի՝ Ջահիր շահի ժամանակների սահմանադրությունը՝ բացառությամբ շարիաթին հակասող դրույթների, ասել է Արդարադատության նախարարության ղեկավարի պաշտոնակատար Աբդուլ Հակիմ Շարիաթը:

Աֆղանստանի ժամանակավոր կառավարության մշակույթի և տեղեկատվության փոխնախարար Զաբիուլլահ Մուջահիդն ասել է, որ երկրում իշխանություն ստանձնած «Թալիբան» շարժումը հաջորդ տարի նախատեսում է հանձնաժողով ստեղծել նոր սահմանադրության մշակման համար:

Ջահիր շահը Աֆղանստանի թագավորն էր 1933-1973 թվականներին: Նրա կառավարման օրոք՝ 1964 թվականին, ընդունվեց սահմանադրություն, որտեղ նշվում էր, որ Աֆղանստանում կառավարման ձևը սահմանադրական միապետություն է: