Պապի գվարդիայի երեք զինվորականներ հրաժարվել են ծառայել՝ պատվաստումից խուսափելու համար
Համաշխարհային Մամուլ
Աշխարհի ամենափոքր բանակի խոսնակ Ուրս Բրայտենմոսերը լրագրողներին ասել է, որ Շվեյցարիայի Հովվապետական գվարդիայի երեք զինվոր հրաժարվել է շարունակել ծառայությունը Վատիկանի նահանգում՝ COVID-19-ի դեմ չպատվաստվելու համար:
Նա նաև ասել է, որ երեք այլ շվեյցարացի գվարդիականներ, որոնք նույնպես դեռ չեն պատվաստվել կորոնավիրուսի դեմ, ազատվել են իրենց պարտականություններից մինչև պատվաստումների ամբողջական ցիկլը:
Վատիկանի պետքարտուղար, կարդինալ Պիետրո Պարոլինի հատուկ հրամանագրով ավելի վաղ սահմանվել էր, որ Սուրբ Աթոռի բոլոր աշխատակիցները հոկտեմբերի 1-ից պետք է ունենան հաստատված ձևով COVID-վկայագիր՝ քաղաք-պետության տարածք մուտք գործելու համար:
Շվեյցարական գվարդիայի զինվորների համար դա նշանակում էր պարտադիր պատվաստում, քանի որ նրանք մշտապես սերտ կապի մեջ են Պապի հետ: «Այս տարբերակը համահունչ է այլ երկրների զինված ուժերում ընդունված նման որոշումներին», - այս առնչությամբ ասել է Բրեյտենմոսերը:
Ամենադիտված 
Մնաս բարյավ. Րաֆֆի Հովհաննիսյան
