Իրանը և Ադրբեջանը` պատերազմի նախաշեմին. Բաքվում հատուկ գործողություն է սկսվել. ԶԼՄ-ներ

Ադրբեջանի անվտանգության ուժերը լայնամասշտաբ գործողություն են սկսել Անդրկովկասյան հանրապետությունում «իրանամետ տարրերի» դեմ, գրում է Israel Hayom թերթն այսօր՝ հոկտեմբերի 5-ին:

Ըստ թերթի աղբյուրների՝ գործողությունը ներառում է ակտիվիստների ձերբակալություններ, ովքեր փորձել են Ադրբեջանում առաջ մղել Իրանի գերագույն առաջնորդ Այաթոլլա Սեյեդ Ալի Խամենեիի դիրքերը:

Միևնուն ժամանակ, Հարավային Կովկասում աճող լարվածության ֆոնին, Ադրբեջանը դիտարկում է իսրայելական «Arrow 3» հեռահար հակահրթիռային պաշտպանության համակարգ ձեռք բերելու հնարավորությունը:

Թերթը նշում է, որ «Arrow 3» համակարգը շատ թանկ է շահագործման համար և արժե 2.2 միլիոն դոլար:

Մեկ այլ իսրայելական հրատարակություն՝ The Jerusalem Post-ը, հղում անելով իր աղբյուրներին, գրում է, որ հրեական պետության անվտանգության ծառայությունների պատվիրակությունը մեկնել է Ադրբեջան՝ «խորհուրդներ տալու և աջակցություն հայտնելու Ադրբեջանի կառավարությանը՝ Իրանի հետ հարաբերություններում լարվածության աճի ֆոնին»:  Աղբյուրը թերթին ասել է, որ «Իսրայելը հավաստիացրել է Ադրբեջանին, որ հրեական պետությունը կաջակցի նրան և կտրամադրի բոլոր հնարավոր օգնությունը` ներառյալ տեխնիկական և օդային մասնակցությունը` Իրանի կողմից ցանկացած հարձակում հետ մղելու համար»: