Ուկրաինան մերժել է Զելենսկուն նոր նախագահական ժամկետ տրամադրել

Ուկրաինայի նախագահ Վլադիմիր Զելենսկու օֆշորային ընկերությունների առկայության մասին տեղեկատվությունը վերջ է դնում երկրորդ ժամկետով վերընտրվելու նրա հեռանկարներին, Nash հեռուստաալիքի եթերում ասել են փորձագետները:
Ավելի վաղ Կոռուպցիայի և կազմակերպված հանցավորության ուսումնասիրության կենտրոնը, վկայակոչելով «Պանդորայի դոսյեն», հայտնել էր, որ Զելենսկին օֆշորային սխեմաներ է օգտագործել, որպեսզի իր ընտանիքը կարողանա արտասահմանյան բիզնեսից շահույթ ստանալ՝ առանց դրա մասին հայտարարելու: 

«Երբ նա սայթաքեց այդքան լկտիաբար, դա, ամենայն հավանականությամբ, վերջ դրեց երկրորդ ժամկետով վերընտրվելու նրա ցանկությանը», - իր կարծիքն է հայտնել փորձագետներից մեկը:

Զելենսկին Ուկրաինայի նախագահ է դարձել 2019 թվականի գարնանը: Ըստ ընտրությունների առաջին փուլի արդյունքների՝ նա բոլոր թեկնածուների մեջ ստացել է ամենամեծ թվով ձայները (30,24%) և երկու անգամ ավելի, քան Պետրո Պորոշենկոն, ով այդ ժամանակ պետության ղեկավարն էր: Ընտրությունների երկրորդ փուլում նույնպես հաղթել է Զելենսկին՝ հավաքելով 73,22% ձայն: Այն ժամանակ նա հայտարարեց, որ նախագահ է ընտրվել ընդամենը մեկ ժամկետով:

Հաջորդ նախագահական ընտրությունները Ուկրաինայում պետք է անցկացվեն 2024 թվականին: