Ոչ ոք չի կարող փչացնել Թուրքիայի և Ադրբեջանի հարաբերությունները․ Չավուշօղլուն պատասխանել է Իրանին
Համաշխարհային Մամուլ
Թուրքիայի արտգործնախարար Մևլութ Չավուշօղլուն անուղղակիորեն պատասխանել է ադրբեջանական-թուրքական համատեղ զորավարժությունների վերաբերյալ Իրանի պնդումներին: Նրա խոսքով՝ ոչ ոք չի կարող փչացնել Թուրքիայի և Ադրբեջանի հարաբերությունները:
«Մի վատնեք ձեր ջանքերը: Մենք կարող ենք զորավարժություններ անցկացնել Թուրքիայում, Ադրբեջանում և համագործակցել միջազգային իրավունքին համապատասխան: Ոչ միայն Ադրբեջանը, այլև ցանկացած երկիր, ներառյալ Թուրքիան, կարող են կապեր հաստատել տարբեր ոլորտներում ցանկացած պետության հետ: Եթե նրանք մեզ չեն վնասում, մենք չենք հարցնում այս երկրներին, թե ինչու են դա անում: Մեր եղբայրությունը, սերտ հարաբերությունները և համագործակցությունը Ադրբեջանի հետ, մեր զորավարժությունները ուղղված չեն որևէ մեկի դեմ: Ուստի, թող ոչ ոք չանհանգստանա, մեր միասնությունը, եղբայրությունն ու համերաշխությունն ուղղված չեն ուրիշների դեմ», -Report գործակալությանը տված հարցազրույցում ասել է Թուրքիայի արտգործնախարարը:
Ամենադիտված 
Մնաս բարյավ. Րաֆֆի Հովհաննիսյան
