Ռուսաստանի հետ դժվար կլինի, բայց դա անհրաժեշտ է․ Վրաստանի արտգործնախարարը՝ «3 +3» ձևաչափի մասին

Վրաստանի համար դժվար կլինի Ռուսաստանի հետ միասին մասնակցել «3+3» ձևաչափին, այնուամենայնիվ, երկիրը պետք է ինչ-որ ձևով ներկայացված լինի աշխարհաքաղաքական մեծ նախագծերում: Այսպես է Վրաստանի փոխվարչապետ և արտաքին գործերի նախարար Դավիթ Զալկալիանին մեկնաբանել ՌԴ ԱԳ նախարար Սերգեյ Լավրովի հայտարարությունը, որն առաջարկել էր «3+3» տարածաշրջանային համագործակցության ձևաչափ՝ Հայաստանի, Ադրբեջանի, Վրաստանի՝  մի կողմից, և Իրանի, Ռուսաստանի ու Թուրքիայի միջև՝ մյուս կողմից։

«Իհարկե, երբ մենք չենք տեսնում գործընթացներ ապազավթման ուղղությամբ, շատ դժվար է մասնակցել նման ձևաչափի և խոսել ինչ-որ ենթակառուցվածքային նախագծերի մասին: Այնուամենայնիվ, ես ուզում եմ հանրությանը տրամադրել նման դիրքորոշման մասին մտածելու համար։ Աշխարհաքաղաքական այս խոշոր նախագծերում և հարաբերություններում մենք պետք է ներկայացված լինենք գոնե ինչ -որ ձևով, իհարկե ոչ պետական ​​շահերի և օկուպանտին տրվող որոշ զիջումների հաշվին, - ասել է Զալկալիանին:

Վրաստանի արտգործնախարարն ընդգծել է, որ երկրի ինքնիշխանությունն ու տարածքային ամբողջականությունը «կարմիր գիծ» են: