Թուրքիան և Իրանը քննարկել են Հարավային Կովկասում տիրող իրավիճակը

Նախորդ օրը Անկարայում տեղի ունեցան քաղաքական խորհրդակցություններ Թուրքիայի և Իրանի արտաքին քաղաքական գերատեսչությունների միջև: Այս մասին հայտնում է Թուրքիայի ԱԳՆ մամուլի ծառայությունը:

Ըստ հաղորդագրության՝ կողմերը մտքեր են փոխանակել երկկողմ հարաբերությունների վիճակի վերաբերյալ: Քննարկվել են տարածաշրջանային և միջազգային օրակարգի հարցեր՝ շեշտը դնելով Սիրիայի, Աֆղանստանի, Կովկասի և Եմենի իրավիճակի վրա:

Պատվիրակությունները գլխավորել են Թուրքիայի և Իրանի արտաքին գերատեսչությունների ղեկավարների տեղակալները՝ Սեդաթ Օնալը և Ալի Բաղերի Քենին: