Էրդողանը Բայդենի հետ կքննարկի Լեռնային Ղարաբաղում ստեղծված իրավիճակը․ Edaily

Թուրքիայի նախագահ Ռեջեփ Թայիփ Էրդողանը, ի թիվս այլ հարցերի, շուտով կքննարկի Լեռնային Ղարաբաղի շուրջ իրավիճակը իր ամերիկացի գործընկեր Ջո Բայդենի հետ, գրում է Edaily-ն:

Նշելով Թուրքիայի և ԱՄՆ-ի միջև «լայն կապերի» առկայությունը՝ թուրքական վարչակազմի ներկայացուցիչը նշել է այն հիմնական խնդիրները, որոնք հոկտեմբերի 30-31-ը Հռոմում կքննարկվեն Թայիփ Էրդողանի և Ջո Բայդենի միջև կայանալիք հանդիպմանը:

«Մենք լայն կապեր ունենք Միացյալ Նահանգների հետ: Առաջնորդները կքննարկեն օրակարգային հարցեր քաղաքական, տնտեսական, էներգետիկ, առևտրային, պաշտպանական արդյունաբերության, անվտանգության և ահաբեկչության դեմ պայքարի ոլորտներում: Քննարկվելու են Աֆղանստանի, Սիրիայի, Իրաքի, Կովկասյան տարածաշրջանի և Ղարաբաղի, ինչպես նաև Լիբիայի, Միջերկրական ծովի և այլ գլոբալ խնդիրների վերաբերյալ հարցեր», - ասել է Իբրահիմ Կալինը:
Ավելի վաղ որոշ արևմտյան ԶԼՄ-ներ, մասնավորապես Bloomberg-ը, Անկարայի «իրազեկ աղբյուրներին» հղումով՝ հայտնել էին, որ Իտալիայի մայրաքաղաքում Էրդողանը G20- ի գագաթնաժողովի շրջանակներում Բայդենի հետ առաջիկա հանդիպմանը հինգերորդ սերնդի F-35 կործանիչների մասին պայմանագիր է կնքելու: