«Թալիբանը» Աֆղանստանում Գերագույն դատարան է ստեղծել
Համաշխարհային Մամուլ
Թալիբները Աֆղանստանում Գերագույն դատարան են ստեղծել, հաղորդում է ՌԻԱ Նովոստին՝ հղում անելով խմբի ներկայացուցիչ Ահմադուլլահ Մութթակիի հայտարարությանը:
Դատարանի նախագահի պաշտոնակատար է նշանակվել Աբդուլ Հաքիմ Հաքանին:
Ինչպես հայտնի է, օգոստոսի սկզբին՝ Աֆղանստանից ԱՄՆ-ի զորքերի դուրս գալուց հետո, «Թալիբան» խմբավորման գրոհայինները հարձակում կազմակերպեցին կառավարական ուժերի դիրքերի դեմ և օգոստոսի 15-ին մտան մայրաքաղաք Քաբուլ: Օգոստոսի 31-ի գիշերը Միացյալ Նահանգները դուրս բերեց Աֆղանստանից բոլոր զինվորականներին և պաշտոնապես ավարտեց իր առաքելությունը այս երկրում:
Դրանից հետո զինյալները հայտարարեցին 20-ամյա պատերազմի ավարտի մասին և սկսեցին ձևավորել կառավարություն և իշխանություն:
Ավելի վաղ Sputnik ռադիոն հայտնել էր, որ ԱՄՆ -ը կվերսկսի Աֆղանստանից մարդկանց տարհանումը մինչև տարեվերջ:
Ամենադիտված 
Մնաս բարյավ. Րաֆֆի Հովհաննիսյան
