Մարդկությունը կարող է հաղթել կորոնավիրուսին․ Գեբրեյեսուս

Առողջապահության համաշխարհային կազմակերպության ղեկավար Թեդրոս Ադհանոմ Գեբրեյեսուսը հայտարարել է, որ մարդկությունն ունի բոլոր հնարավորությունները՝ հաղթահարելու կորոնավիրուսային համաճարակը, հայտնում է AFP- ն:
«Համաճարակը կավարտվի, երբ աշխարհը որոշի վերջ տալ դրան։ Դա մեր ձեռքերում է», - ասել է նա: Նրա խոսքով՝ մարդկությունն ունի բոլոր գործիքները՝ կորոնավիրուսը հաղթահարելու համար։ Սակայն նա նշել է, որ մարդիկ չեն կարողացել լավ օգտագործել այդ գործիքները։

Գեբրեյեսուսը հավելել է, որ ԱՀԿ-ի նպատակն է մինչև 2021 թվականի վերջ պատվաստել յուրաքանչյուր երկրի առնվազն 40%-ին։

Ավելի վաղ ՄԱԿ-ի գլխավոր քարտուղար Անտոնիո Գուտերեշը հայտարարել էր, որ հրատապ 8 միլիարդ դոլար է անհրաժեշտ կորոնավիրուսի դեմ պատվաստանյութերի արդար բաշխման քարոզարշավի համար։