Իրանը չի կարող որպես թիրախ՝ ընտրել Ադրբեջանին․ Էրդողան

Թուրքիայի նախագահ Ռեջեփ Թայիփ Էրդողանը մեկնաբանել է Իրանի և Ադրբեջանի հարաբերություններում լարվածությունը, գրում է Minval.az-ը։ Նրա խոսքով՝ ինքը չի կիսում այն ​​կարծիքը, որ ճգնաժամը կարող է թեժ փուլի վերածվել։ «Անձամբ ես չեմ կիսում այդ տեսակետը։ Իրանը Ադրբեջանին թիրախ չի դարձնի Իսրայելի հետ Բաքվի հարաբերությունների պատճառով։ Իրանում ապրող ադրբեջանցիների թիվն այսօր ակնհայտ մեծ է։ Այս գործոնը, անշուշտ, կստիպի նրանց մտածել։ Կարծում եմ, որ Իրանի նոր կառավարությունը չի շարունակի նույն սխալը գործել»,- ասել է Էրդողանը։