Կիմ Չեն Ընը կրկնօրինա՞կ ունի․ Կորեայի հետախուզությունը պարզաբանում է
Համաշխարհային Մամուլ
Հարավային Կորեայի պետական հետախուզական գործակալությունը երկրի խորհրդարանի փակ նիստում հերքել է լուրերն այն մասին, որ Կիմ Չեն Ընի փոխարեն նրա կրկնօրինակն է ներկայացել հանրությանը։ Պարզապես ԿԺԴՀ ղեկավարը նիհարել է, իսկ նախկինում կշռում էր 140 կիլոգրամ։
Գործակալության տվյալներով՝ ԿԺԴՀ առաջնորդ Կիմ Չեն Ընը նիհարել է 20 կիլոգրամով, սակայն առողջական խնդիրների նշաններ չկան, հինգշաբթի օրը հաղորդել է հարավկորեական Ryonghap լրատվական գործակալությունը՝ վկայակոչելով հետախուզության տվյալները։
Վերջերս ամերիկյան լրատվամիջոցները պնդում էին, որ Կիմ Չեն Ընին այս ամառ հեռացրել է իշխանությունից նրա քույրը, և փոխարենը հանդես է գալիս նրա կրկնօրինակը։
Ըստ Ryonghap-ի՝ հարավկորեական հետախուզությունն օգտագործել է «արհեստական ինտելեկտի տեխնոլոգիա և գիտական այլ մեթոդներ»՝ Կիմ Չեն Ընի առողջությունը նրա նկարներից վերլուծելու համար։
Կիմ Չեն ընը իշխանության է եկել հոր՝ Կիմ Չեն Իրի մահից հետո՝ 2011 թվականի վերջին։ Նրա պապը՝ Կիմ Իր Սենը, եղել է ԿԺԴՀ-ի հիմնադիրը։ Նա մահացել է 1994 թվականին։
Հյուսիսային Կորեայում իշխանությունը ժառանգվում է այն հիմքով, որ որդին երբեք չի դավաճանի իր հոր ուխտին։ Հայտնի չէ՝ արդյո՞ք Կիմ Չեն Ընի հնարավոր ժառանգորդ գոյություն ունի, թե՞ ոչ։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
