COVID-19-ը արդյո՞ք ստեղծվել է՝ որպես կենսաբանական զենք․ ԱՄՆ հետախուզությունը պարզաբանում է

Միացյալ Նահանգների հետախուզական գործակալությունը երկու հիմնական տեսություն ունի կորոնավիրուսի ծագման մասին՝ վարակված կենդանիների հետ մարդու շփում և լաբորատոր արտահոսքի հետևանք։ Գերատեսչությունը թերահավատորեն է վերաբերվում այն ​​վարկածին, որ վիրուսը մշակվել է Չինաստանի կողմից՝ որպես կենսաբանական զենք, քանի որ այդ եզրակացությունները գիտականորեն հաստատված չեն։ Այս մասին ասվում է ԱՄՆ Ազգային հետախուզության տնօրենի գրասենյակի կայքում հրապարակված զեկույցում։

Ընդհանուր առմամբ, գործակալությունը եզրակացրել է, որ «չինացի պաշտոնյաները տեղյակ չեն եղել վիրուսի մասին՝ մինչև COVID-19-ի սկզբնական բռնկումը»:

Ավելի վաղ The Wall Street Journal-ը հայտնել էր, որ ԱՀԿ֊ն նոր թիմ կհավաքի կորոնավիրուսի ծագումը հետաքննելու համար։