Քաբուլում ահաբեկիչները ներխուժել են հիվանդանոցի շենք

Քաբուլում ահաբեկիչների խումբը ներխուժել է հիվանդանոցի շենք, որտեղ պայթյուններ են որոտացել։ Բախումներ են տեղի ունեցել թալիբների և ահաբեկիչների միջև, ՌԻԱ Նովոստիին հայտնել է ականատեսը։

«Մահապարտ ահաբեկիչների խումբը հիվանդանոց է մտել, բախումները շարունակվում են, հարձակվողները պայթեցրել են մուտքի դուռը»,- ասել է աղբյուրը։

Իր հերթին, թալիբների ներկայացուցիչ Բիլալ Քարիմին հաստատել է կատարվաի մասին լուրերը։ «Քաբուլի տասներորդ թաղամասում երկու պայթյուն է որոտացել», - ասել է Քարիմին։

Ինչպես ավելի վաղ հայտնել էինք, Քաբուլի հիվանդանոցի մոտ պայթյուններ էին որոտացել։ Աղբյուրը նշում էր, որ զոհեր կան։