Դեմոկրատ Էրիկ Ադամսը կարող է դառնալ Նյու Յորքի երկրորդ սևամորթ քաղաքապետը․ Associated Press

Նախկին ոստիկան և Նյու Յորքի Բրուքլինի թաղամասի ղեկավար, դեմոկրատ Էրիկ Ադամսը, ամենայն հավանականությամբ, կհաղթի Նյու Յորքի քաղաքապետի ընտրություններում։ Այսպիսին է Associated Press-ի կանխատեսումը։ 

Ավանդաբար, ամերիկյան լրատվամիջոցներն իրենք են հաշվում ԱՄՆ ընտրությունների ձայները՝ ընտրատեղամասերի տվյալների հիման վրա։ Պաշտոնական արդյունքները ընտրական հանձնաժողովներն ավելի ուշ են հրապարակում։ Լրատվամիջոցները, սակայն, գրեթե երբեք չեն սխալվում իրենց կանխատեսումներում։ Եթե ​​արդյունքը հակասական է, նախընտրում են չհայտարարել, գրում է պարբերականը։

Ադամսի նախընտրական ծրագրի հիմնական կետերից մեկը հանցավորության դեմ պայքարն է։ Նա ավելի քան 20 տարի աշխատել է ոստիկանությունում՝ պաշտպանելով իրավապահ մարմինների աշխատանքի օպտիմալացումը և իրեն հատկացված բյուջեի մասնակի կրճատումը։ Ադամսը, հաղթելու դեպքում, կդառնա Նյու Յորքի երկրորդ սևամորթ քաղաքապետը քաղաքի պատմության մեջ։