Մակրոնը Մերկելին «Պատվո լեգեոնի շքանշանի Մեծ Խաչ» է շնորհել

Ֆրանսիայի նախագահ Էմանուել Մակրոնը Գերմանիայի ժամանակավոր կանցլեր Անգելա Մերկելին հանձնել է Ֆրանսիայի գլխավոր պարգևներից մեկը՝ Պատվո լեգեոնի շքանշանի Մեծ Խաչը, և շնորհակալություն է հայտնել Եվրոպայի զարգացման գործում ունեցած ավանդի համար։

Ֆրանսիայի ղեկավարը, ելույթ ունենալով հեղինակավոր մրցանակի շնորհման կապակցությամբ, պարզաբանել է, որ Մերկելը շատ առումներով օրինակ է եղել իր համար։ «Ես կցանկանայի շնորհակալություն հայտնել ձեզ այն բանի համար, ինչ Դուք ինձ այդքան շատ սովորեցրել եք… Շնորհակալություն, սիրելի Անգել, այն ամենի համար, ինչ Դուք արել եք մեր Եվրոպայի համար», - ասել է Մակրոնը: Նրա խոսքով, որպես կանցլեր, «չնայած բոլոր ցնցումներին», նա ջանասիրաբար ձգտել է պահպանել Եվրոպայի միասնությունը։

Ինչպես հայտնի է, օգոստոսին Ուկրաինայի ղեկավար Վլադիմիր Զելենսկին Մերկելին հանձնել էր «Ազատության շքանշան» պետական ​​բարձրագույն պարգևը և շնորհակալություն հայտնել «կարևոր հարցերում Ուկրաինային ցուցաբերած ամուր աջակցության համար»։