Իտալիայում նախկին բուժքույրը հետապնդվում է ութ հազար կեղծ պատվաստում իրականացնելու մեղադրանքով

Ֆրիուլի Վենեցիա Ջուլիա շրջանի իտալական դատարանը նախկին բուժքրոջը դատապարտել է ընդհանուր 583 հազար եվրո տուգանքի 8 հազար կեղծ պատվաստումների համար, հայտնում է il Messaggero թերթը։
2009-2016 թվականներին Էմանուելա Պետրիլյոն աշխատել է հյուսիսային շրջանի երեք քաղաքների հանրային առողջապահական հաստատություններում: Դատախազության տվյալներով՝ նրա հիվանդները հիմնականում երեխաներ էին։ Պետրիլյոն, ըստ մեղադրող կողմի, պատվաստվածների անտեղյակության մեջ միայն «ձևացրել է, թե ներարկում է պատվաստանյութը՝ դրանով իսկ բացառելով ակնկալվող իմունային պատասխանը»: Դատախազությունը նրա գործողություններից ընդհանուր վնասը գնահատել է 660 հազար եվրո։

Նախկին բուժքրոջ դատավարության շրջանակներում քննիչները լաբորատոր հետազոտություն են անցկացրել159 նախկին հիվանդների շրջանում, որոնցից 153-ը կարմրուկի դեմ պատվաստանյութին ոչ մի արձագանք չի տվել: Միջոցների փոխհատուցման վերաբերյալ դատարանի վճռում նշվում է, որ կինը գործել է հանցավոր դիտավորությամբ։ 2019 թվականի սեպտեմբերից Պետրիլյոն ներգրավված է նաև քրեական դատավարության մեջ, որում նա մեղադրվում է փաստաթղթեր կեղծելու, յուրացումների և անփութության մեջ։