«Էրդողանը միջամտել է հարցին, և ռուս հրամանատարներն ազատվել են աշխատանքից». Yeni Akit

Թուրքական լրատվամիջոցները միացել են Արցախում ռուսական խաղաղապահ առաքելությունը վարկաբեկելու ադրբեջանական ջանքերին, գրում է Infoteka24-ը։

Մասնավորապես, թուրքական ազգայնական Yeni Akit կայքը հոդված է հրապարակել` «Անտարբեր չի մնացել սկանդալների նկատմամբ. Էրդողանը միջամտեց, և ռուս հրամանատարները հեռացվեցին աշխատանքից» վերնագրով:

Կայքի տեղեկություններով՝ Արցախում ռուսական խաղաղապահ ուժերի հրամանատար, գեներալ Ռուստամ Մուրադովը «ազատվել» է Թուրքիայի նախագահ Ռեջեփ Էրդողանի միջամտության արդյունքում։ Վերջինս Մուրադովին մեղադրել է ադրբեջանցի զինվորների դեմ «հայ ավազակների» սադրանքների, զենք-զինամթերքի ապօրինի տեղափոխման, մարդկանց թրաֆիքինգի վրա աչք փակելու մեջ։

Նշվել է նաև, որ Մուրադովից հետո նշանակվել է գեներալ Միխայիլ Կոսոբոկովը, ով 20 օր պաշտոնավարելուց հետո պարտականությունները փոխանցել է գեներալ Գենադի Անաշկինին։

Հիշեցնենք, որ գեներալ Մուրադովը ի սկզբանե վեց ամիս ժամկետով ռոտացիոն կարգով նշանակվել էր ԼՂՀ ՊՆ հրամանատար, և, այնուամենայնիվ, նրա ծառայությունը ոչ միայն չէր ընդհատվել, ինչպես կարծում են թուրքական լրատվամիջոցները, այլ ընդհակառակը, երկարացվել էր, ինչը հանրությանը հասանելի փաստ է: Ակնհայտ է, որ թուրք քարոզիչները պարզապես յուղ են լցնում ադրբեջանական հակառուսական քարոզի վրա՝ Արցախում Ռուսաստանի խաղաղապահ առաքելությունը վերջ տալու համար, գրում է կայքը։