Գերմանիայում զինամթերքի պահեստի մոտ պայթյուն է որոտացել

Գերմանիայում պայթյուն է որոտացել զինամթերքի պահեստի մոտ, հայտնել է տեղի ոստիկանությունը։

Այն գտնվում է Rheinmetall պաշտպանական կոնցեռնի տարածքում՝ Ներքին Սաքսոնիա դաշնային նահանգի Ունտերլուս կոմունայում։ Արտակարգ դեպքը տեղի է ունեցել նոյեմբերի 10-ի գիշերը։

«Չորեքշաբթի վաղ առավոտյան, մոտավորապես ժամը երկուսին, պայթյուն է որոտացել Rheinmetall-ի տարածքում գտնվող զինամթերքի պահեստի տարածքում»,- ասվում է գերմանացի իրավապահների հայտարարության մեջ։

Արդյունքում՝ շենքը վնասվել է, զոհեր և վիրավորներ չկան։ Տարածքը, որտեղ որոտացել է պայթյունը, շրջափակվել է, դեպքը հետաքննվում է։